मुख्य बातम्या

मारहाणीचे राऊतांनी केलेलं समर्थन म्हणजे बेशरमपणाचा कळस ; भातखळकरांची सडेतोड टीका

0

निवृत्त नौदल अधिकारी मदन शर्मा यांना शिवसैनिकांनी केलेल्या मारहाणीचे, शिवसेना नेते संजय राऊत यांनी केलेले समर्थन हा निर्लज्जपणाचा आणि बेशरमपणा कळस आहे, अशी टीका भाजप आमदार अतुल भातखळकर यांनी केली आहे.

चीफ इंजिनिर ऑफिसर म्हणून निवृत्त झालेले नौदल अधिकारी मदन शर्मा यांना केलेल्या मारहाणीमुळे ठाकरे सरकारचे थोबाड पुरते काळे झाल्यामुळे शिवसेना आता खोटेपणावर उतरली आहे. शर्मा हे कधी नौदलात नव्हतेच असा निलाजरा दावा संजय राऊत यांनी केला आहे. हा घ्या शिवसेनेच्या भुरटेपणाचा पुरावा. pic.twitter.com/W7DuIXNql4
— Atul Bhatkhalkar (@BhatkhalkarA) September 13, 2020

अभिव्यक्ती स्वातंत्र्याच्या नावाखाली स्वैराचार झाल्यावर संयमाचा बांध तुटतो अशी प्रतिक्रिया यासंदर्भात संजय राऊत यांनी काल व्यक्त केली होती. त्याबाबत भातखळकर यांनी आज सोशल मीडियावरून  प्रत्युत्तर दिले आहे.
शर्मा यांना झालेल्या मारहाणीचा राऊत यांनी केलेले समर्थन निर्लज्जपणाचा बेशरमपणाचा कळस आहे. स्वतः राऊत यांनी यापूर्वी राष्ट्रपती, पंतप्रधान, राज्यपाल यांच्यावर घाणेरड्या भाषेत टीका केली आहे. दैनिक सामना मधूनही विविध व्यक्तींवर आणि मान्यवरांवर अशीच टीका होत असते. आता मात्र इतरांनी आपल्या व्यक्तींवर टीका केल्यावर त्यांना झालेल्या मारहाणीचे समर्थन करायचे, हा दुटप्पीपणा महाराष्ट्राची जनता चांगलीच ओळखून आहे.
या मारहाणीमुळे शिवसेनेने राज्यात गुंडाराज तर आणलेच आहे, पण राऊत यांनी त्याचे समर्थन करण्याचा हा अश्लाघ्य प्रयत्न केला आहे. सत्तेचा माज डोक्यात गेल्याचे हे लक्षण आहे. मात्र महाराष्ट्राची जनता विचारी असून हा माज उतरल्याशिवाय ती राहणार नाही. निवृत्त नौदल अधिकारी मदन शर्मा यांना झालेल्या मारहाण प्रकरणी शिवसैनिकांवर जोपर्यंत अजामीनपात्र गुन्हे नोंदवले जात नाहीत तोपर्यंत भाजप स्वस्थ बसणार नाही हे राऊत यांनी लक्षात ठेवावे, असा इशाराही भातखळकर यांनी दिला आहे.

https://t.co/WBRdjtw5Ak pic.twitter.com/M9SdL73Zqn
— Atul Bhatkhalkar (@BhatkhalkarA) September 13, 2020

महत्वाच्या बातम्या :-

‘ही बाळासाहेबांची शिवसेना उरलीच नाही’ ; कंगनाची आई कडाडली
बबड्याची सीरिअल पाहण्याऐवजी…’ ; रोहित पवारांनी शेलारांना सुनावले खडे बोल
वडिलांमुळे संपत्ती मिळू शकते पण सन्मान तुम्हालाच कमवावा लागतो ; कंगनाची मुख्यमंत्री ठाकरेंवर घणाघाती टीका
लॉकडाऊन हा विषय आता संपला ; राजेश टोपे यांचा मोठा खुलासा
अभिव्यक्ती स्वातंत्र्याचा गळा उद्धव सरकारने घोटला?

 
inshortsmarathi.com covers marathi news from India and Maharashtra. Get all exclusive headlines and Mumbai News live, including breaking news on business, sports and lifestyle videos, photos. Get Latest Marathi News, Live Marathi News Headlines from Politics, Sports, Entertainment, Business and local news from all cities of Maharashtra. मारहाणीचे राऊतांनी केलेलं समर्थन म्हणजे बेशरमपणाचा कळस ; भातखळकरांची सडेतोड टीका InShorts Marathi.

कंगना प्रकरण संपलं आता तरी शेतकऱ्यांच्या प्रश्नांकडे लक्ष द्या ; मिटकरींची प्रसारमध्यमांना विनंती

Previous article

दिल्लीत एका तरुणाने पवारांना हाणले होतं हे आव्हाड विसरलेले दिसतायत ; भाजपचा आव्हाडांवर घणाघाती हल्ला

Next article

You may also like

Comments

Comments are closed.